2021 жылғы 28-29 қыркүйекте Павлодар қаласында, «ЭНЕРГЕТИК» Теннис орталығында энергетика және электротехника саласындағы жабдықтар мен технологиялардың тоғызыншы көрмесі өтті. Көрменің ұйымдастырушылары – «МВК «Казэкспо» ЖШС және «BM EXPO». АО «Казэнергокабель» атынан көрмеге келісімшарттар бөлімінің жетекші менеджері – Нұрумов Айдар Жасланұлы және жарнама мен қоғаммен байланыс жөніндегі менеджер – Ломакина Анастасия Александровна қатысты.
Биылғы көрмеге Қазақстан Республикасының энергетика, тау-кен металлургия кешенінің жетекші компаниялары, сондай-ақ жақын шетелдерден осы салаларға арналған жабдықтарды өндіруші алдыңғы қатарлы кәсіпорындар қатысты. Олар өз стендтерінде жаңа жабдықтар, технологиялар мен құралдарды таныстырды. Көрме үш күнге созылды. Алғашқы екі күн – павильонда келіссөздер жүргізу, үшінші күні – Павлодар өңіріндегі кәсіпорындарға бару (технологиялық процеспен танысу, кәсіпорын басшылары және мамандарымен өндірістік алаңда келіссөздерді жалғастыру).
АО «Казэнергокабель» зауытына келген көрме қатысушыларының делегациясын өндірістің техникалық директоры – Вернер Владимир Геннадийұлы және келісімшарттар бөлімінің басшы орынбасары – Шатских Сергей Петрович қарсы алды. Олар негізгі цех бойынша шолу экскурсиясын өткізіп, қатысушылардың барлық сұрақтарына жауап берді. Көрме аяқталғаннан кейін кәсіпорында қатысушыларды қабылдау және 9-шы халықаралық көрмені өткізуге белсенді атсалысқаны үшін диплом табыс етілді.
