«Казэнергокабель» АҚ – Қазақстандағы кабель-өткізгіш өнімдерін өндірушілер арасында халықаралық «МЭК» (IEC) сертификатын бірінші болып алған отандық компания. Белгілі болғандай, халықаралық стандарттар әлемдік сауданы дамытуда маңызды рөл атқарады, ал «МЭК» (IEC) сертификатын алу жаңа нарықтарды айтарлықтай кеңейтуге мүмкіндік береді. Біз үшін, кабель-өткізгіш өнімдерінің өндірушісі ретінде, электр құрылғыларының қауіпсіздігін арттыруға және олардың техникалық сипаттамаларын жақсартуға үлес қосу аса маңызды.
IEC сертификаты
Осы жылдың ақпан айында «Казэнергокабель» АҚ «МЭК» (IEC) стандарттарының талаптарына сәйкес өндірілген кабель-өткізгіш өнімдерін Қазақстан Республикасының ірі мұнай операторының мекенжайына сәтті жеткізді.
*«МЭК» (IEC) – бұл Халықаралық электротехникалық комиссияның аббревиатурасы. МЭК – электрлік, электрондық және онымен байланысты технологиялар саласындағы стандарттаумен айналысатын коммерциялық емес ұйым.
